سياسة الخصوصية

كل اللي تكتبه في المحرر (الاسم، التواصل، الخبرات وغيرها) ينحفظ في التخزين المحلي لمتصفحك (localStorage) على جهازك فقط. ملف الـ PDF كمان يتجهز داخل متصفحك.

ما عندنا حسابات ولا قاعدة بيانات للسير، فما نقدر نشوف سيرتك. وإذا مسحت بيانات المتصفح تنمسح سيرك، فصدّر نسخة احتياطية من قائمة «سيري» قبل ما تمسحها أو تنتقل لجهاز ثاني.

الملف اللي ترفعه (PDF أو Word أو TXT) نقرأه ونحلله داخل متصفحك، وما نرفعه لأي سيرفر ولا نحتفظ فيه. إعلان الوظيفة اللي تلصقه يُحلَّل بنفس الطريقة.

الاستثناء الوحيد: إذا ضغطت «حلّل التوافق» بالذكاء الاصطناعي، ينطبق عليه القسم الثالث.

ميزات الذكاء الاصطناعي (تحسين النقاط والملخص، تحليل التوافق مع وظيفة، استيراد سيرة قديمة) ما تشتغل إلا بعد موافقتك أول مرة، وتقدر ما تستخدمها أبدًا.

لما تستخدمها نرسل النص المطلوب فقط لخدمة DeepSeek، وهي تعالجه على خوادمها في الصين. وقبل الإرسال نشيل من النص داخل متصفحك اسمك وإيميلك ورقم جوالك وروابطك. وفي الاستيراد نقرأ بيانات تواصلك على جهازك ونضيفها للسيرة الجديدة بدون ما نرسلها.

ما نحفظ أي نص عندنا. اقتراحات الذكاء الاصطناعي ممكن تغلط، فراجعها قبل ما تستخدمها.

عشان نحدد استخدام الذكاء الاصطناعي بخمس محاولات يوميًا ونعرض لك كم باقي، نحط في متصفحك لما تفتح المحرر أو صفحة الفحص ملف تعريف ارتباط (cookie) واحد اسمه seeracv_aid فيه رقم عشوائي ما يدل عليك، ونحسب بصمة مشفّرة من عنوان الشبكة. نخزّن عدد المحاولات فقط، وينمسح تلقائيًا بعد يومين.

نعدّ أرقام عامة عشان نعرف كيف ينستخدم الموقع ونحسّنه: زيارات كل صفحة، عدد الفحوصات، تحميلات الـ PDF، السير الجديدة، واستخدامات الذكاء الاصطناعي.

ما نرسل في هذا العد أي محتوى من سيرتك ولا اسمك ولا ملفاتك، وما نستخدم له كوكيز. ولعدّ الزوار المختلفين في اليوم نحسب بصمة مشفّرة من عنوان الشبكة ونوع المتصفح تتغير كل يوم، فما نقدر نتعرّف عليك ولا نربط زياراتك ببعض. الأرقام تنمسح تلقائيًا بعد سنة تقريبًا.

• Netlify: استضافة الموقع. مثل أي استضافة، ممكن تحتفظ بسجلات تقنية (عنوان الشبكة ووقت الطلب) لأغراض الأمان والتشغيل.
• Upstash: قاعدة بيانات صغيرة لعدّادات المحاولات وأرقام الاستخدام فقط.
• DeepSeek: معالجة طلبات الذكاء الاصطناعي اللي توافق عليها.

ما نبيع أي بيانات ولا نشاركها لأغراض إعلانية.

بياناتك في يدك: تقدر تمسح أي سيرة من قائمة «سيري»، أو تمسح كل شي بحذف بيانات الموقع من إعدادات المتصفح. وتقدر تصدّر نسخة من سيرك في أي وقت.

إذا غيّرنا شي مهم في طريقة التعامل مع البيانات، نحدّث هذي الصفحة وتاريخ آخر تحديث فوق.